الرّخيص غلا، و الغالي رخاص
ما بقيت عارف آش زايد، و آش خاص
يرحم الله اللي قال
أو بشحال؟
ما بقيت عارف آش زايد، و آش خاص
يرحم الله اللي قال
أو بشحال؟
الحق ولاّ غريب فهاد الزمان
الباطل وجهو قصاح، ما بقاش حشمان
ما بقا والو ما يتقال
أو بشحال؟
الباطل وجهو قصاح، ما بقاش حشمان
ما بقا والو ما يتقال
أو بشحال؟
الكدوب ولاّ على اللّسان خفيف
حتا نتا، كدوب ولاّ صحّ، كيف كيف
الحق ولاّ كيصعاب و يتقال
أو بشحال؟
حتا نتا، كدوب ولاّ صحّ، كيف كيف
الحق ولاّ كيصعاب و يتقال
أو بشحال؟
الشمايت ولاّو دايرين حالة
فهموني بلا ما نقول الكمالة
اليوم ولاّو يتباعو الرجال
أو بشحال؟
فهموني بلا ما نقول الكمالة
اليوم ولاّو يتباعو الرجال
أو بشحال؟
بغيتي الحقّ؟ سير قلب عليه
ها وجهي ها وجهك إيلا لقيتيه
أما أنا حقّي يرجع محال
أو بشحال؟
ها وجهي ها وجهك إيلا لقيتيه
أما أنا حقّي يرجع محال
أو بشحال؟
بغيتي تخدم بلادك؟ مسكين!
غادين يدوّروك على الشمال و على اليمين
و غادي تخدم بدون عمل
أو بشحال؟
غادين يدوّروك على الشمال و على اليمين
و غادي تخدم بدون عمل
أو بشحال؟
خليك من هضرتي، ما نافعاش
اسمع كلامي، افهمني اولا بلاش
فحريرتنا، هضرتي آش غادا دير مازال
أو بشحال؟
اسمع كلامي، افهمني اولا بلاش
فحريرتنا، هضرتي آش غادا دير مازال
أو بشحال؟
Aucun commentaire:
Enregistrer un commentaire